తెలంగాణ రాజ్యాధికార పార్టీ
తెలంగాణ రాజ్యాధికార పార్టీ పేరులోనే ఉన్నట్టుగా తెలంగాణ రాష్ట్రంలో శాంతియుతమైన, ప్రజాస్వామ్య పద్దతులలో ప్రజా ఉద్యమాలను నడిపిస్తూ ప్రజలను చైతన్యవంతులను చేసే భాద్యతను నిర్వహిస్తూనే మరొకవైపు స్థానిక సంస్థల నుంచి అన్ని ఎన్నికలలోనూ పోటీ చేస్తూ ప్రజల ఓట్ల మద్దతుతో ప్రజా ప్రభుత్వమును స్థాపించటానికి కృషి చేస్తుంది. అట్టడుగు వర్గాలకు అధికారం అందించటంతో పాటు ఇప్పటి వరకూ స్థానిక, రాష్ట్ర, కేంద్ర స్థాయి ప్రభుత్వ విధానాల రూపకల్పనలో మరియు నిర్ణయాలు తీసుకునే స్థాయి కమిటీలలో ప్రవేశం దొరకని అట్టడుగు వర్గాల ప్రజలకు ఆ స్థానాలను అందించటానికి కృషి చేస్తుంది.
ప్రజలలో చైతన్యాన్ని వ్యాప్తి చెయ్యటం, అన్యాయానికి, వివక్షకు వ్యతిరేకంగా గళాన్ని వినిపించటం, అణగదొక్కబడుతున్న ప్రజల యొక్క హక్కులను సంరక్షించటం ఈ ప్రజా ఉద్యమం యొక్క లక్ష్యం. ఎన్నికలలో పోటీ చేసి గెలుపొంది అధికారాన్ని సాధించటం ద్వారా చట్టాలలో, ప్రభుత్వ విధానాలలో, అభివృద్ధి పథకాలు, కార్యక్రమాలలో అసలైన మార్పుని తీసుకువచ్చి ప్రజల యొక్క జీవన విధానాలను వివిధ పద్దతులలో, రూపాలలో మెరుగుపరచడం ఈ ప్రజా ఉద్యమం ఉద్దేశ్యం.